اعرف ان الــوقـت ياخذ مايجود = واعرف انــه لاخــذا شـي جحود
واعرف الاقـدار مامنــها مــفر = واعرف اللي راح لايـمكن يـعود
واعرف ان حــظي سـواد في سواد = ويش اسوي لاغـدى حـظــي قـرود
واعرف ان العـمر ايـام وتــمر = ماخذه في دربـــها طفـل وعود
واعرف انــي ماعــرفت المعرفه = صعب اعرفها وهي ســـر الوجود
واعــرف الايــام مـاترحم احد = واعرف ان الناس محسود وحسـود
واعرف انه صعب القى لـي صديـق = لا نـقـص حـقــي يوفينـي وزود
واعرف ان اللـى عطـى شـي يبـي = من ورا فعله مصـاليح وفـــود
واعرف ان اطـهر واغلي ما رأيت = دمعة طاحت علي موضــع ســجود
واعرف ان الناس في هـذا الزمن = واحد مقيود والثــاني يـقـود
واعرف المسجـون في نــفسه اشد = من سجين وسط اغــــلال وقـيود
واعرف انه مابــقى بـين البشر = واحد يصدق ويوفي بالــــوعود
واعرف انـــك مــانسيتيني ابد = واعرف انه مفتعل هذا الـصدود
واعرف ان حــبي بقلبك ما نقص = وان حبك داخل اعماقي يـــزود
واعرف انك تعرفــين اني عرفت = ان حبك نار يسترها الـــبرود
واعرف ان اللي عرف معنى الهوى = ما يلوم اللي غدى فكره شـرود
واعرف انـــه مايفيدك لاغـــدى = دمع عينــي سايل فوق الـخدود
واعرف اني مــا اخونك لو اموت = واعرف انك ماتخونين العــهود
واعرف انــه سيــد الساحه انـا = ولا علي الساحه احد غيري يسود
11-09-2007, 03:58 AM
المواضيع المتشابهه
اهـداء للجمييع
العرض العادي
