..رساله من مجروحه..


اجرح حبيبي جت على جرح بعدك
العب وخل العاطفه للتسالـــــــــي

يا مرخص الانسان في سـوق ودك
يا مبشع الواقع بجانب خيالــــــــي

يا محقر الدنيا وانا اشوف عنــــدك
بيع وشرا قلب ٍرخيص ٍوغالـــــي

يا متفه اشعوري بحزات صـــــدك
يا قو قلب اللي من العطف خالـــي

شديت قلبي وغدر قلبـــــــك يشدك
علمتني أوجد من المر حالـــــــــي

لبست في عز الهزل وجه جــــدك
اخفيت وجه الغدر ووجه التعالـــي

كم كنت خايف وانت ما مَل جهدك
أقنعتني ان الزمن قد صفا لــــــــي

كم قلت مختلفه الاصابع بيـــــــدك
أمّلتني في شي ما قد طرا لــــــــي

كم قلت ما به حب وش كــان ردّك
اتقول لي كلي عشـــــــــــق لا تبالي

علقتني بمعسول حكيك وجــــــدك
من قبلك انا عشت راضي وسالي

خليتني ابني من اوهام وعــــــدك
شموخ صرح وساكنه بالعلالــــي

هديتني ياخي وربي يهــــــــــــدك
مو حقد لكن قول مــــــالك ومالي

تبي البعــــــــــاد ابعد ألله لا يردك
دام ان مجالك بالهوى مـــو مجالي

تسلى والعب بعيـــــد ان كان ودك
العاطفة مو لعبه بين الغوالــــــــي

نزفت دمعي بين جزرك ومــــدك
والحين كلي نِزف من ما جرا لي

احرقت قلب المخلص اللي يعــدك
حسبة عيونه لا ومغلاة حالــــــــي

صدمتني وش يا ظلومي يحــــدك
وش ذنبي غير انك نصيبي وفالي

يا ربي انصرني الى قلت عبـــدك
ضحية لناس اعشقت للتسالــــــــي


قمــر الدواســر